आजको शेयर बजार : यी ३ कम्पनीको शेयर मूल्यमा लाग्यो सकारात्मक सर्किट
कार्तिक २८, २०७८
काठमाडौं । साताको पहिलो कारोबारको दिन आइतवार शेयर बजारमा झिनो अंकको गिरावट आएको छ ।
आइतवार शेयर बजार मापक नेप्से परिसूचक १.३८ अंक (०.०५ प्रतिशत) ले घट्दै २६८८.९२ विन्दुमा रोकिएको छ ।
यस दिन ठूला कम्पनीहरूको शेयर बजार मापक सेन्सेटिभ परिसूचक ०.२५ अंक (०.०५ प्रतिशत) ले बढ्दै ५०२.४४ विन्दुमा पुगेको छ ।
नेप्सेमा सामान्य गिरावट आउँदा आइतवार कारोबार रकम भने ४ अर्ब ९ करोड रुपैयाँमा मात्रै सिमित छ ।
यस दिन कारोबारमा कुल २ सय ३० कम्पनी कारोबारमा आएका थिए ।
यी कम्पनीहरूको ७४ लाख ३४ हजार ५३७ कित्ता शेयर ४ अर्ब ९ करोड ६२ लाख १९ हजार ५२५ रुपैयाँ बराबरमा किनबेच भएको छ ।
आइतवार १ सय ३ कम्पनीको शेयरमूल्य बढेको छ भने ७५ कम्पनीको शेयरमूल्य घटेको छ ।
यस्तै ८ कम्पनीको शेयर मूल्य परिवर्तन नभएको नेपाल स्टक एक्सचेञ्ज लिमिटेडले जनाएको छ ।
आइतवार विभिन्न ३ कम्पनीको शेयरमूल्यमा उच्च वृद्धि भई सकारात्मक सर्किट लागेको छ ।
नेप्सेका अनुसार आइतवार बोटलर्स नेपाल (तराई) लिमिटेडको शेयर मूल्य १० प्रतिशतले वृद्धि भई सकारात्मक सर्किट लागेको छ ।
यस्तै मानुषी लघुवित्त वित्तीय संस्था लिमिटेड र तेह्रथुप पावर कम्पनी लिमिटेडको शेयर मूल्य ९.९९ प्रतिशतले बढेको छ ।
