काँग्रेस केन्द्रीय कमिटीको बैठक बस्दै,यस्ता छन् छलफलका एजेण्डा

विकसित पछिल्लो राजनीतिक घटनाक्रमको समीक्षा र पार्टीको १४ औं महाधिवेशनको तयारीबारे छलफल गर्न नेपाली कांग्रेसले केन्द्रीय समितिको बैठक आइतबार बस्दैछ ।

दिउँसो १ बजे पार्टीको केन्द्रीय कार्यालय सानेपामा बैठक बोलाइएको कांग्रेस कार्यालयका मुख्य सचिव कृष्णप्रसाद पौड्यालले जानकारी दिए ।

मंसिर अन्तिम साता महाधिवेशन गर्ने तयारी गरेको कांग्रेस अहिले धमाधम अधिवेशनमा जुटेको छ ।

बैठकमा केन्द्रीय कार्यसमितिका पदाधिकारी, केन्द्रीय सदस्यहरु तथा आमन्त्रित केन्द्रीय सदस्यहरुलाई उपस्थित हुन भनिएको छ ।