‘एमालेका लागि सरकार नभएर मुलुक पहिलो प्राथमिकता’
कार्तिक २१, २०७८
काठमाडौं । नेकपा एमालेका अध्यक्ष केपी शर्मा ओलीले सत्ता गठबन्धनले मुलुकको लोकतन्त्रलाई कमजोर बनाउन खोजेको आरोप लगाएका छन् ।
एमाले कर्णाली प्रदेश सम्पर्क कमिटीले आइतबार काठमाडौंमा गरेको कार्यक्रममा ओलीले सत्ता गठबन्धनले मुलुकका लागि नभएर सत्ता स्वार्थका लागि एकता गरेको बताए ।
सेना र प्रहरी प्रयोग गर्न नसकिएपछि आफ्नो सरकारमाथि अदालत प्रयोग भएको उनको टिप्पणी छ ।
अब पनि अनेक प्रतिगामी परमादेश आउन सक्ने भन्दै उनले एमालेले मुलुक र लोकतन्त्रलाई तलमाथि हुन नदिने जिकिर गरे । एमाले नभएको भए ०१७ साल दोहरिने खतरा देखिएको उनको भनाइ छ । उनले एमालेका लागि सरकार नभएर मुलुक पहिलो प्राथमिकता भएको दाबी गरे ।
