थपिए १४३ कोरोना संक्रमित, ९ जनाको मृत्यु
कार्तिक २१, २०७८
काठमाडौं । पछिल्लो २४ घण्टामा देशभर १४३ जना कोभिड संक्रमित थपिएका छन् । दुईहजार ३३३ ओटा नमुनाको परीक्षण गर्दा १४३ जनामा संक्रमण भएको हो ।
त्यस्तै पछिल्लो २४ घण्टामा ९ जनाको मृत्यु भएको छ । योसँगै नेपालमा कोभिड संक्रमणका कारण मृत्यु हुनेको संख्या ११ हजार ४४८ पुगेको छ ।
त्यस्तै, आज ५६३ जना संक्रमणमुक्त भएका छन् । योसँगै नेपालमा सक्रिय संक्रमितको संख्या सातहजार ७१३ पुगेको स्वास्थ्य तथा जनसंख्या मन्त्रालयले जनाएको छ ।
यस्तै पछिल्लो २४ घण्टामा काठमाडौं उपत्यकामा ११९ जना कोभिड संक्रमित थपिएका छन् । आज काठमाडौंमा ८०, भक्तपुरमा ३ र ललितपुरमा ३६ जना संक्रमित थपिएका हुन् ।
योसँगै उपत्यकामा सक्रिय संक्रमिको संख्या एक हजार ५६५ पुगेको छ ।
