एमालेको स्थायी कमिटी बैठक आज, यस्ता छन् एजेण्डा
कार्तिक ११, २०७८
काठमाडौं । नेकपा एमालेको स्थायी कमिटी बैठक बिहीबार बस्दैछ ।
अपराह्न ४ बजे तुल्सीलाल अमात्य स्मृति प्रतिष्ठानमा बस्ने बैठकमा छलफलका लागि विभिन्न एजेण्डा तय गरिएको छ ।
एमाले पार्टी कार्यालयका सचिव शेरबहादुर तामाङले वडा र पालिका अधिवेशन रिपोर्टिङ र समीक्षा, राष्ट्रिय महाधिवेशन मापदण्ड र कार्यतालिकालगायतका विषयमा छलफल गर्नेगरी एजेण्डा तय गरिएको बताए ।
यसअघि बसेको स्थायी समिति बैठकले तय गरेको मिति अनुसार नै आजको बैठक बसेको छ । आजको बैठकपछि भोलि केन्द्रीय समिति बैठक बस्नेछ ।
