बिहे गर्दै कट्रिना र विक्की
कार्तिक १०, २०७८
मुम्बइ । पछिल्ला दिनमा बलिउड कट्रिना क्याफ र विक्की कौशलको बिहेको खबरले गर्माएको छ ।
केही दिनअघिसम्म यी दुईले अगस्ट १८ मा बिहे गर्ने खबर फैलिएको थियो । सूत्रका अनुसार अब यी दुईजना सम्बन्धलाई अघि बढाउन तयार भएका छन् ।
बलिउड संचारमाध्यमले कट्रिना र विक्की चाँडै नै बिहे बन्धनमा बाँधिने तयारी गरेको जनाएका छन् । तर, यी दुईले मिडियासँग बिहेबारे केही बोलेका छैनन् ।
सूत्रका अनुसार दुबैजनाले बिहेको तयारी थालेका छन् । बिहेको पहिरनलाई फेसन डिजाइनर सब्यासाचीले डिजाइन गरिरहेको बताइएको छ ।
पछिल्ला दिनमा दुबैले मनपर्ने फेब्रिक छानिरहेका छन् । कट्रिनाले आफ्नो लागि र सिल्क नम्बर चुनेकी छिन् जुन उनको लेंहगामा प्रयोग हुनेछ । बिहे आगामी नोभेम्बर र डिसेम्बरसम्म हुने भनिएको छ । एजेन्सी
