एमालेको आज देशैभर वडा अधिवेशन, अध्यक्ष ओलीको ‘भर्चुअल’ सम्बोधन
कार्तिक ६, २०७८
काठमाडौं । नेकपा एमालेले आज शनिवार देशैभर वडा अधिवेशन गर्दैछ ।
शनिवार दिउँसो १२ बजे अध्यक्ष केपी शर्मा ओलीले ‘भर्चुअल’ माध्यमबाट सम्बोधन गरेर वडा अधिवेशन उद्घाटन गर्ने केन्द्रीय कार्यालय सचिव शेरबहादुर तामाङले जानकारी दिए ।
भर्चुअल माध्यममा सहभागी हुन देशैभर अनलाइन लिंक पठाइएको छ । अनलाइन लिंक पार्टीको फेसबूक पेजमा समेत उपलब्ध रहेको जनाइएको छ ।
एमालेले पार्टीको एप समेत सञ्चालनमा ल्याएको छ । प्लेस्टोरमा सीपीएन यूएमएल खोजेर एप डाउनलोड गरी आफ्नो विवरण भरेर प्रयोग गर्न सकिने एमालेले जनाएको छ ।
