वर्षाले कृषिमा पुर्याएको क्षतिबारे गृहमन्त्री र कृषिमन्त्रीबीच छलफल
कार्तिक ५, २०७८
काठमाडौं । गृहमन्त्री बालकृष्ण खाणले कृषि तथा पशुपंक्षी विकासमन्त्री महेन्द्रराय यादवसँग तीन दिनसम्म लगातार आएको अविरल वर्षाले कृषिमा पुर्याएको क्षतिबारे छलफल गरेका छन् ।
गृह मन्त्रालयमा भएको छलफलमा खेती डुबानमा पर्दा क्षति व्यहोरेका किसानलाई राहत दिने विषयमा कुराकानी भएको गृहमन्त्री खाणले जानकारी दिए ।
“तीन दिनसम्म आएको बर्सातका कारण कृषिमा भएको क्षति र क्षति बेहोरेका किसानलाई राहत प्रदान गर्ने विषयमा कुराकानी भयो,” गृहमन्त्री खाणले भने ।
