अफगान बालिकालाई बिद्यालयमा प्रतिवन्ध लगाउनु गैर मुस्लिम कार्यः पाक प्रधानमन्त्री खान
अशोज ६, २०७८
एजेन्सी । पाकिस्तानका प्रधानमन्त्री इमरान खानले अफगानिस्तानका बालिकालाई विद्यालयमा प्रतिवन्ध लगाउनु गैर मुस्लिम कार्य भएको टिप्पणी गरेका छन् । तालिवान सत्तामा आएसँगै अफगानिस्तानका माध्यामिक तहका छात्रालाई विद्यालयमा रोक लागिरहेका बेला पाकिस्तानी प्रधानमन्त्री खानको सो टिप्पणी आएको हो । उनले समावेशी हुन र मानवअधिकार सम्मान गर्न अफगान नेतृत्वसँग अनुरोधसमेत गरेका छन् ।
एक प्रसंगमा उनले अफगानिस्तान पाकिस्तानको सुरक्षामा चुनौती दिने अतिवादीको आश्रय स्थल बन्न नहुने बताए । तालिवानको नयाँ सरकारलाई औपचारिक रुपमा मान्यता दिन आफ्ना शर्त पुरा हुनुपर्ने उनको भनाई छ ।
अफगानिस्तानमा चाँडै बालिकाहरु विद्यालय गएको आफूले देख्न चाहेको उनले बताए । तालिवानले महिला अधिकारका बारेमा व्यक्त प्रतिबद्धता व्यवहारमा उतार्नुपर्ने उनको भनाई छ ।
‘मलाई लाग्छ तालिवनले बालिकालाई पढ्न अनुमति दिनेछन् । ’ उनले थपे, ‘महिलालाई बिद्यालयबाट बन्चित गर्नु गैर मुस्लिम परम्परा हो । पढाईसँग धर्मको कुनै सम्बन्ध छैन् ।
सन् १९९६ मा सत्तामा हुँदा तालिवानले बालिकालाई विद्यालय जान प्रतिबन्ध लगाएको थियो । तालिवान नेतृत्वले महिलाका अधिकार मुस्लिम कानून शरियाको ढाँचामा रहेर सम्मान गरिने जनाउदै आएको छ ।
