काठमाडौँका विद्यालय नखोल्न प्रशासनको सूचना
अशोज १, २०७८
काठमाडौँ । जिल्ला प्रशासन कार्यालय काठमाडौँले उपत्यकामा तत्काल भौतिक रुपमा उपस्थित भएर विद्यालय सञ्चालन नगर्न सूचना जारी गरेको छ । असोज लागेसँगै विद्यालय खोल्ने तयारी यहाँका निजी तथा सरकारी विद्यालयहरुले गरेका थिए ।
यसैबिच प्रशासनले हिजो एक विज्ञप्ति जारी गर्दै अर्को सूचना जारी नभएसम्मका लागि विद्यालय सञ्चालन गर्न अनुमति नदिइको उल्लेख गरेको छ ।
आवश्यक परेको खण्डमा स्थानीय तहले जिल्ला कोभिड संकट व्यवस्थापनसँग समन्वय गरेर मात्रै विद्यालय भौतिक रुपमै पठनपाठन गर्नुपर्ने सूचनामा उल्लेख छ ।
त्यस्तै, प्रशासनले सभा जुलुस, जात्रा, भोजजस्ता भिडभाड हुने गतिविधीमा पनि रोक लगाएको छ भने चाडपर्व पनि सिमित उपस्थितिमा मनाउन आग्रह गरेको छ ।
