काबुल विमानस्थलमा नेपाली अलपत्र, ३४ जना उद्धारको पर्खाइमा
भदौ १३, २०७८
काठमाडौं । तालिवानी आक्रमणमा परेको अफगानिस्तानमा नेपालीहरु अलपत्र परेका छन् । राजधानी काबुलमा ३४ जना नेपाली नागरिकहरु केही दिनयता उद्धारको पर्खाइमा रहेका बताइएको छ ।
उनीहरुलाई केही दिन अगाडि नै ल्याउने तयारी भए पनि काबुल विमानस्थलमा भएको आक्रमणको कारण केही ढिलो भएको हो । परराष्ट्र मन्त्रालयका अनुसार उडानको पर्खाइमा रहेका नेपाली नागरिकलाई सुरक्षाको दृष्ट्रिकोणले थप सुरक्षित र व्यवस्थित ठाउँमा राखिएको बताइएको छ ।
काबुल विमानस्थल नजिकै एकै ठाउँमा राखिएका ४२ मध्ये ८ जना भने नेपाल आउँदैछन् । बाँकी ३४ जनाको उद्धारको लागि विभिन्न मुलुकसँग समन्वय भइरहेको छ ।
