जयपृथ्वी राजमार्ग तीन ठाउँमा अवरुद्ध
भदौ ४, २०७८
धनगढी । जयपृथ्वी राजमार्ग पहिरोका कारण तीन ठाउँमा अवरुद्ध भएको छ । पहिरोले बैतडी र बझाङमा राजमार्ग अवरुद्ध भएको प्रहरीले जनाएको छ ।
जिल्ला प्रहरी कार्यालयका अनुसार पाटन नगरपालिका–८ खोड्पे नजिकै र पुर्चौडी नगरपालिका–६ ढोल्यामोडमा आएको पहिरोले सडक अवरुद्ध भएको हो । यस्तै बझाङको दुर्गाथली गाउँपालिका–२ झनाना नजिकै आएको पहिरोले राजमार्ग अवरुद्ध भएको जिल्ला प्रहरी कार्यालयका प्रमुख प्रहरी नायब उपरीक्षक (डीएसपी) रुपक खड्काले जानकारी दिनुभयो ।
गन्तव्यका लागि छुटेका सवारीसाधन बीच बाटोमै रोकिएका छन् । यद्यपी डोजरको सहायताले सडक खुलाउने प्रयास भइरहेको छ ।
