उपत्यकामा आज एक हजार ७५ जना कोरोना संक्रमित थपिए
साउन २१, २०७८
-
काठमाडौँ । काठमाडौँ उपत्यकामा पछिल्लो २४ घण्टामा एक हजार ७५ जनामा कोरोना संक्रमण पुष्टि भएको छ । काठमाडौंमा ७ सय ६६ ललितपुरमा १ सय ६३ र भक्तपुरमा १ सय ४६ गरी कुल एक हजार ७५ जनामा संक्रमण पुष्टि भएको स्वास्थ्य मन्त्रालयले जनाएको छ । हिजो बुधबार उपत्यकामा १ हजार २ सय ७९ जना कोरोना संक्रमित थपिएका थिए । पछिल्लो २४ घण्टामा तीन हजार ९ सय ३८ जनामा कोरोना भाइरस संक्रमण पुष्टि भएको छ भने ३७ जनाको मृत्यु भएको छ ।
