भोलिदेखि निष्काशन हुँदैछ नयाँ आईपीओ : ४०० कित्तासम्म आवेदन दिन पाइने ! कहिलेसम्म भर्न पाइने?
बैशाख २०, २०७८
काठमाडौं । भोली अर्थात् वैशाख २१ गतेदेखि मध्य भोटेकोशी जलविद्युत् कम्पनीले आयोजना प्रभावित स्थानियका लागि आईपीओ बिक्री गर्ने भएको छ । कम्पनीले आयोजना प्रभावित स्थानीयतका लागि कुल ६० लाख कित्ता शेयर बिक्री गर्न लागेको हो ।
कुल कित्ता मध्ये सिन्धुपाल्चोक जिल्लाको भोटेकोशी गाउँपालिका वडा नं. ९ साविक लिस्ती गाविस र मार्मिङ गाविस० १ र ५ , बाहृविसे नगरपालीका वडा नं. ५ र ६ (साविक गाती गाविस ) तथा बाहृविसे नगरपालीका वडा नं. ७ र ८ (साविक घुमथाङ गाविस र मानेश्वरा गाविस) का वासिन्दाका लागि ३० प्रतिशत दरको १८ लाख कित्ता र माथि उल्लेखित स्थानिय बाहेक सिन्धुपाल्चोक जिल्लाका अन्य स्थानियका लागि ७० प्रतिशतका दरले ४२ लाख कित्ता शेयर जारी गर्न लागेको हो ।
स्थानिय वासिन्दाका लागि छिटोमा जेठ ४ गते र ढिलोमा जेठ २० गतेसम्म यो शेयर विक्रीमा रहनेछ । शेयर खरीदका लागि आवेदन दिंदा न्यूनतम १० कित्तादेखि अधिकतम ४०० कित्तासम्म माग गर्न सकिने व्यवस्था छ । यो आईपीओ विक्री प्रबन्धकमा ग्लोबल आइएमई क्यापिटल रहेको छ ।
