आज फेरि थप पाँच हजार ७६३ जनामा देखियो कोरोना संक्रमण : १९ जनाको मृत्यु, कुल संख्या कति पुग्यो ?
बैशाख १८, २०७८
काठमाडौं । नेपालामा पछिल्लो २४ घण्टामा पाँच हजार ७६३ जनामा कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार कूल १४ हजार ९६९ नमूना परीक्षण गरिएकामा उक्त संख्यामा कोभिड–१९ पुष्टि भएको हो ।
यस्तै, उपचारपछि निको भएर घर फर्किनेको सङ्ख्या एक हजार २८७ जना रहेका छन् भने पछिल्लो २४ घण्टामा मृत्यु हुनेको सङ्ख्या १९ पुगेको छ । मन्त्रालयका अनुसार देशभर ४० हजार १०३ जना होम आइसोलेशनमा तथा संस्थागत आइसोलेशनमा तीन हजार ११० रहेका छन् ।
पछिल्ला २४ घण्टामा दुई हजार ४५५ महिला र तीन हजार २५१ पुरुष संक्रमित भएका छन् । काठमाडौँमा एक हजार ९३२ जना संक्रमित फेला परेको मन्त्रालयले जनाएको छ । भक्तपुरमा २०८ र ललितपुरमा ३५५ संक्रमित फेला परेका छन् ।
यस्तै ४०१ जना आइसियुमा उपचाररत थगन ११० जना भेन्टिलेटरान छन् । आइसियु श्ययाको कूल संख्या एक हजार २०३ र ५०८ भेन्टिलेटर छन् ।
