लगानी गर्ने अर्को अवसर : सबैले पाउने गरि फेरि आउने भयो यति ठुलो नयाँ आईपीओ ! कति कित्ता आउँदै ?
बैशाख १८, २०७८
काठमाडौं । नेपाली बीमा बजारमा थप एक पुनर्बीमा कम्पनी स्थापना हुने पक्का भएको छ । हाल सरकारकै स्वामित्व रहेको नेपाल पुनर्बीमा कम्पनी सञ्चालनमा रहेको छ । अब भने निजी क्षेत्रबाट अर्काे एक पुनर्बीमा कम्पनी स्थापना हुने पक्का भएको हो ।
यसका लागि बीमा समितिले बिहीबार थप एक पुनर्बीमा कम्पनी स्थापनाको प्रक्रिया अगाडि बढाउन आवेदन खुल्ला गरेको छ । अब नयाँ पुनर्बीमा कम्पनी स्थापना गर्न चाहाने इच्छुक व्यक्ति तथा लगानीकर्ता आजको २१ दिन भित्र बीमा समितिमा आवेदन दिनुपर्ने छ । त्यसपछि समितिले कुनै एक कम्पनीलाई कारोबार गर्ने सैद्धान्तिक स्वीकृति दिने सक्नेछ ।
समितिले थप पुनर्बीमा कम्पनी स्थापनाको बिषयमा केही समयअघि अध्ययन गरेको थियो । सोही अध्ययनको आधारमा समितिले एक पुनर्बीमा कम्पनी स्थापना गर्न दिने निर्णय गरेको हो ।
समितिले नयाँ पुनर्बीमा कम्पनीको लागि बिभिन्न शर्त पनि तोकेको छ । सोही शर्त पुरा भएका प्रस्ताविक पुनर्बीमा कम्पनीहरु मात्रा आवेदनका लागि योग्य हुनेछन् । मापदण्ड नपुगेका कम्पनीहरुबाट आवेदन आएपनि त्यसमाथि कुनै कामकारवाही नहुने बताइएको छ ।
समितिले नयाँ पुनर्बीमा कम्पनी स्थापना गर्न दिने भनेसँगै बजारमा ४ पुनर्बीमा कम्पनी स्थापना गर्ने तयारी भइरहेको छ । हाल बीमा बजारमा बिभिन्न व्यवसायीक घराना तथा व्यक्तिहरुले अन्नपूर्ण री, काठमाडौं री, प्रुडेन्सियल री र जेन्युन री नामका ४ पुनर्बीमा कम्पनी समितिमा आवेदन दिने तयारीमा छन् ।
समितिले आवेदननै खुलाएपछि अब बजारमा एक पुनर्बीमा कम्पनी सञ्चालनमा आउने पक्का भएको छ । साथै, सर्वसाधारण लगानी कर्तालाई पनि लगानीको अबसर आउने भएको छ ।
समितिबाट स्थापनाको अनुमति पाउने कम्पनी पब्लीक कम्पनीमा दर्ता हुनुपर्ने छ । त्यो अनुसार सम्बन्धीत कम्पनीले तोकिएको चुक्तापुँजीको सामान्यतया ३० प्रतिशत आईपीओ निष्काशन गर्नुपर्ने हुन्छ । त्योअनुसार पुँजी बजारमा लगानीको नयाँ अवसर पनि आउने पक्का छ ।
साथै, आवेदन दिने तयारीमा रहेको प्रस्तावित कम्पनीहरुले पनि ३० प्रतिशत लगानी आईपीओ मार्फत नै जुुुटाउने योजनामा छन् । पुनर्बीमा कम्पनीका लागि तोकिएको चुुक्तापुँजी १० अर्ब रुपैयाँ हो । त्यसको ३० प्रतिशतमा मात्रामा आईपीओ निष्काशन गर्दा ३ अर्ब रुपैयाँ बराबरको ३ करोड कित्ता आईपीओ निष्काशन हुनेछ । त्यो बराबरको आईपीओ आउँदा हाल आईपीओ भर्ने सक्रिय लगानीकर्ता जति सबैले शेयर पाउने देखिन्छ ।
