फेरि घट्यो सुनचाँदीको मूल्य, प्रतितोला कतिमा झर्यो ?
बैशाख १०, २०७८
काठमाडौं । शुक्रवार सुनचाँदीको मूल्यमा गिरावट आएको छ । अघिल्लो दिनको तुलनमा आज सुनचाँदीको भाउ ओरालो लागेको हो ।
नेपाली बजारमा आज छापावाला सुनको मूल्य प्रतितोला ५ सय रुपैयाँले घटेको छ भने चाँदीको १५ रुपैयाँले ओरालो लागेको छ । नेपाल सुनचाँदी व्यवसायी महासंघका अनुसार आज छापावाला सुनको भाउ तोलामा ९१ हजार ७ सय रुपैयाँ र चाँदीको १३ सय २० रुपैयाँ कायम गरिएको छ । आजका लागि तेजावी सुनको भाउ भने ९१ हजार २ सय रुपैयाँ तोकिएको छ ।
बिहीवार सुनको मूल्य प्रतितोला १३ सय रुपैयाँले बढेर ९२ हजार २ सय रुपैयाँ पुगेको थियो । चाँदी पनि प्रतिोला १३ सय ३५ रुपैयाँमा कारोबार भएको महासंघले जनाएको छ ।
