लगानी गर्ने होइन त ? २५ लाख कित्तासम्म आवेदन दिन मिल्ने गरि छिट्टै आउँदैछ यति ठुलो आईपीओ !
बैशाख ८, २०७८
काठमाडौं । आउँदो वैशाख १७ गतेदेखि सीईडीबी हाइड्रोपावर डेभलपमेन्ट कम्पनीले सर्वसाधारणका लागि आईपीओ बिक्री गर्ने भएको छ । कम्पनीले २५ करोड १८ लाख २३ हजार रुपैयाँ बराबरको २५ लाख १८ हजार २३० कित्ता आईपीओ बिक्री गर्न लागेको हो ।
सर्वसाधारणका लागि बिक्री गरिने कुल कित्तामध्ये कर्मचारीहरुका लागि ५० हजार ३६५ कित्ता, सामूहिक लगानी कोषलाई १ लाख २५ हजार ९११ कित्ता छुट्याएर बाँकी २३ लाख ४१ हजार ९५४ कित्ता सार्वजनिक निष्कासन गर्न लागेको हो ।
यो आईपीओ छिटोमा वैशाख २१ गते र ढिलोमा वैशाख ३१ गतेसम्म बिक्रीमा रहनेछ । कम्पनीको धितोपत्र निष्काशन तथा बिक्री प्रबन्धकमा सनराइज क्यापिटल लिमिटेड रहेको छ ।आईपीओ खरीदका लागि न्यूनतम १० कित्ता देखि अधिकतम २५ लाख १८ हजार २३० कित्तासम्म आवेदन दिन सकिने व्यवस्था छ ।
कम्पनीलाई आईपीओ विक्रीको लागि नेपाल धितोपत्र बोर्डले गत वैशाख २ गते अनुमति दिएको थियो । विसं २०७४ साल असार २७ गते बोर्डमा आईपीओका लागि निवेदन दिएको कम्पनीले करीब ४ वर्षमा आईपीओ विक्रीको अनुमति पाएको हो ।
