शेयर बजारमा नयाँ रेकर्ड : १७ अंकले वृद्धि, साढे ७ अर्बभन्दा बढीको कारोबार
चैत्र ३०, २०७७
काठमाडौं । नयाँ वर्षको सुरुवात हुनै लाग्दा शेयर बजारमा रौनक देखिएको छ । साताको पहिलो कारोबार दिन सेयर बजार १७.२० अंकले वृद्धि भएको छ । बजार सुचक भने २ हजार ६९१.५५ बिन्दुमा पुगेर बन्द भई नयाँ रेकर्ड बनाएको छ ।
उक्त दिन २१६ कम्पनीको १ करोड ३८ लाख २१ हजारभन्दा बढी कित्ता शेयर खरिदबिक्री हुँदा ७ अर्ब ६१ करोड रुपैयाँभन्दा बढीको शेयर कारोबार भएको छ । सोमबार १३ समूह मध्ये माइक्रोफाइनान्स, बैंक, विकास बैंक, निर्जीवन बिमा लगायतका ७ समूहको सूचक वृद्धि भएको छ । जलविद्युत, अन्य र इन्भेष्टमेन्ट बाँकी ६ वटा समूह भने रातो भएको छ ।
कारोबार रकमको आधारमा २५ करोड रुपैयाँभन्दा बढीसहित एनआइसी एसिया बैंक सबैभन्दा अग्रस्थानमा रहेको छ । त्यस्तै नबिल २४ करोड ४२ लाख, निफ्रा २२ करोड, नेपाल बैंक २१ करोड २८ लाख रुपैयाँको कारोबार भएको छ ।
