आजदेखि नयाँ आईपीओ : ४ लाख कित्तासम्म भर्न पाइने, कहिलेसम्म दिने आवेदन ?
चैत्र २०, २०७७
काठमाडौं । आजदेखि नयाँ आईपीओ आउने भएको छ । रु रु जलविद्युत आयोजनाको आईपीओ आउने भएको हो । कम्पनीको प्रति शेयर मूल्य १ सय २० रुपैयाँ हुनेछ ।
कम्पनीले कुल ४ लाख ७ हजार ७०६ कित्ता शेयर निष्काशन गर्न लागेको हो । जसमध्ये ८ हजार १५४ कित्ता शेयर कर्मचारीहरुलाई र २० हजार ३८५ कित्ता शेयर सामूहिक लगानी कोषका लागि छुट्याइएको छ । सर्वसाधारण लगानीकर्ताहरुले बाँकी ३ लाख ७९ हजार १६७ कित्ताका लागि आवेदन दिन सक्नेछन् ।
यसको बिक्री प्रबन्धकमा एनएमबि क्यापिटल रहेको छ । यसमा न्यूनतम १० देखि अधिकतम सम्पूर्ण कित्ताका लागि आवेदन दिन सकिने छ ।
लगानीकर्ताले सि–आस्वा सदस्य रहेका बैंक तथा वित्तीय संस्था र तिनका शाखा कार्यालयहरुबाट साथै मेरो शेयरमार्फत बेशाख ३ गतेसम्म आवेदन दिन सकिने छ ।
