फेरि घट्यो सुनचाँदीको भाउ, आज प्रतितोला कति ?
चैत्र १७, २०७७
काठमाडौं । मंगलबार सुनचाँदीको मूल्य घटेको छ । नेपाली बजारमा आज छापावाला सुनको मूल्य प्रतितोला ५ सय रुपैयाँले घटेको हो ।
अघिल्लो दिन ८६ हजार ५ सय रुपैयाँमा कारोबार भएको सुनको मूल्य आजका लागि भने ८६ हजार रुपैयाँ निर्धारण गरिएको नेपाल सुनचाँदी व्यवसायी महासंघले जनाएको छ । थियो । आज तेजावी सुनको मूल्य ८५ हजार ५५० रुपैयाँ तोकिएको छ ।
यस्तै, चाँदीको मूल्य पनि १० रुपैयाँले घटेको छ । उक्त रकमले घटेर आज तोलाको १२ सय १५ रुपैयाँ कायम भएको महासंघले जनाएको छ । अघिल्लो दिन तोलाको १२ सय २५ रुपैयाँमा किनबेच भएको थियो ।
