भोलि ज्योति लाईफको आईपीओ बाँडफाँड हुँदै : झण्डै ६ लाखले पाउनेछन् १० कित्ता, यस्तो आयो संकेत !
चैत्र १२, २०७७
काठमाडौं । ज्योति लाईफ इन्स्योरेन्सको आईपीओ भोलि (चैत १३ गते) बाँडफाँड हुने भएको छ । आईपीओ बाँडफाँडका लागि कम्पनीले बुधवार नै प्रि–अल्लोटमेन्ट सकाएको छ ।
विक्री प्रवन्धक एनएमबि क्यापिटलका अनुसार शेयर बाँडफाँडको तयारी अन्तिम चरणमा पुगेको जनाएको छ । ज्योतिले गत फागुन २१ गतेदेखि ६६ करोडको रुपैयाँ बराबरको आईपीओ निष्काशन गरेको थियो । कम्पनीको आईपीओ ५ लाख ९४ हजार जनाले १० कित्ताका दरले हात पार्ने भएका छन् ।
आईपीओमा १८ लाख ३२ हजार ९५८ जनाको आवेदन परेको थियो । मागभन्दा ६.५६ गुणा बढी आवेदन परेकाले १२ लाखभन्दा बढी लगानीकर्ताहरुको हात खाली हनुे भएको हो ।
