आजदेखि नागरिक लगानी कोषको १ लाख ३ हजार कित्ता शेयर विक्रीमा, कहिलेसम्म दिने आवेदन ?
चैत्र ११, २०७७
काठमाडौं । आजदेखि नागरिक लगानी कोषको १ लाख ३ हजार कित्ता संस्थापक शेयर लिलामीमा विक्री गर्ने भएको छ ।
प्रिमियर इन्स्योरेन्स कम्पनी (नेपाल) लिमिटेडले आफ्नो स्वामित्वमा नागरिक लगानी कोषको १ लाख ३ हजार ७०० कित्ता संस्थापक शेयर लिलामीमा विक्री खुला गरेको हो ।
उक्त शेयर खरीद गर्न इच्छुक बैंक तथा वित्तिय संस्था तथा बीमा कम्पनीहरुले चैत १९ गतेसम्म बोलपत्र पेश गर्न सक्नेछन् । कम्पनीको शेयर विक्री प्रबन्धकमा नेपाल इन्भेष्टमेण्ट बैंकिङ लिमिटेड रहेको छ ।उक्त शेयरको न्यूनतम मूल्य १ हजार ३५० रुपैयाँ तोकिएको छ ।
आवेदकले तोकिएको मूल्य वा सोभन्दा बढी मूल्य अंकित गरी बोलकबोल गर्नु पर्ने हुन्छ । यो शेयर खरीदका लागि बोलकबोल गर्दा न्यूनतम १०० कित्ता वा सो भन्दा माथिको लागि १० ले भाग जाने गरी अधिकतममा सम्पूर्ण कित्तासम्म माग गर्न सकिने व्यवस्था छ ।
