भोलिदेखि फेरि २९ करोडको नयाँ आईपीओ आउँदै, २ लाख कित्तासम्म आवदेन दिन सकिने

काठमाडौं । भोलिदेखि (चैत ६ गते) २९ करोड बराबरको नयाँ आईपीओ आउने भएको छ । शुक्रवार देखि सिंगटी हाइड्रो इनर्जीले कम्पनिले प्रतिकित्ता १०० रुपैयाँका दरले २९ लाख कित्ता आईपीओ जारी गर्ने भएको हो ।

कम्पनीले ५८ हजार कित्ता कर्मचारी र १ लाख ४५ हजार कित्ता सामूहिक लगानी कोषलाई र बाँकि रहेको २६ लाख ९७ हजार कित्तामा सर्वसाधरण लगानिकर्ताले आवेदन दिन पाउनेछन् ।

उक्त आईपीओमा न्यूनतम १० कित्तादेखि अधिकतम २ लाख कित्तासम्म आवेदन दिन सकिने बताइएको छ । आईपीओमा भोलिदेखि(चैत ६ गते) चैत १० गतेसम्म आवेदन दिन सकिनेछ । त्यस अवधिमा माग अनुसार आवेदन नपरेमा र चैत २० गतेसम्म दिन सकिनेछ ।