फेरि बढ्यो पेट्रोलियम पदार्थको मूल्य, प्रतिलिटर कति पुग्यो ?
चैत्र ३, २०७७
काठमाडौं । पेट्रोलियम पदार्थको मूल्य फेरि बढेको छ । नेपाल आयल निगमले विज्ञप्ति जारी गर्दै पेट्रोल, डिजेल र मट्टितेलको मूल्य लिटरमा २/२ रुपैयाँले बढेको जानकारी गराएको छ ।
मूल्यवृद्धि भएसँगै काठमाडौंमा अब एक लिटर पेट्रोलको मूल्य ११८ रुपैयाँ पुगेको छ भने डिजेल र मट्टितेल प्रतिलिटर १०१ रुपैयाँ पुगेको छ ।
निगमले आन्तरिक तर्फ हवाइ इन्धन प्रतिलिटर रु २ बढाएर ७४ रुपैयाँ बनाएको छ त्यस्तै ग्यास र हवाइ इन्धन (अन्तर्राष्ट्रियतर्फ) को मूल्य भने यथावत् राखेको छ ।
यसअघि फागुन १७ गते पेट्रोलियम पदार्थको मूल्य बढाइएको थियो ।
