भोलिदेखि ४ लाख ६८ हजार कित्ता शेयर बेच्दै नेपाल बैंक, प्रतिकित्ता कति ?
चैत्र १, २०७७
काठमाडौं । नेपाल बैंक लिमिटेडले आफ्नो स्वामित्वमा रहेको नागरिक लगानीकोषको ४ लाख ६८ हजार ८२८ कित्ता शेयर लिलामीमा विक्री गर्ने भएको छ । बैंकले सोमवार देखि चैत १७ गतेसम्म उक्त शेयर लिलामीमा विक्री खुला गर्न लागेको हो ।
प्रतिकित्ता १ हजार ५०२ दशमलव ५० तोकिएको उक्त शेयर खरीद गर्न चाहनेले तोकिएको मूल्य वा सोभन्दा बढी मूल्य अंकित गरी बोलकबोल गर्नुपर्नेछ । बोलकबोल गर्दा न्यूनतम १०० कित्तादेखि अधिकतम सम्पूर्ण कित्तासम्म माग गर्न सकिने व्यवस्था छ । यो शेयर विक्री प्रबन्धकमा एनआईबिएल एस क्यापिटल लिमिटेड रहेको छ ।
तोकिएको अवधिभित्र प्राप्त बोलपत्र चैत १८ गते अपरान्ह ३ बजे विक्री प्रबन्धको कार्यालय लाजिम्पाट, काठमाडौंमा खोलिने जानकारी बैंकले दिएको छ ।
