आज पनि थपियो बजारमा फेरि तीन कम्पनीको १ करोड ८० लाख कित्ता शेयर, खरिदविक्री कहिले ?
फाल्गुन २३, २०७७
काठमाडौं । साताको पहिलो कारोबार दिन नेपाल स्टक एक्सचेञ्च (नेप्से)मा तीन वित्तिय कम्पनीको १ करोड ८० लाख कित्ता बोनस शेयर सूचीकृत भएको छ।
आज नेप्सेमा दुई बैंक र एक लघुवित्त वित्तिय संस्थाको १ करोड ८० लाख ७७ लाख ४७२ कित्ता बोनस शेयर सूचीकृत भएको नेप्से जनाएको छ । छिमेक लघुवित्त वित्तीय संस्था,माछापुच्छ्रे बैंक र लक्ष्मी बैंकको बोनस शेयर सूचीकृत भएको हो ।
नेप्सेमा छिमेक लघुवित्तको ३३ लाख कित्ता बोनस शेयर,माछापुच्छ्रे बैंकको ५९ लाख ४६ हजार १६९ दशमलव ३१ कित्ता र लक्ष्मी बैंकको ८८ लाख ३१ हजार ३०३ दशमलव ५६ कित्ता बोनस शेयर सूचीकृत भएको हो ।
ती तीन कम्पनीको बोनस शेयर डिम्याट खातामा आएपछि शेयरधनीले खरीदविक्री गर्न सक्नेछन् ।
