नेप्सेमा शुक्रवार दुई वित्तिय कम्पनीको शेयर मूल्य समायोजन, कुनले कति तोक्यो ?
फाल्गुन १४, २०७७
काठमाडौं । नेपाल स्टक एक्सचेञ्ज (नेप्से)मा शुक्रवार दुई वित्तिय कम्पनीको शेयर मूल्य समायोजन भएको छ । नेशनल माइक्रोफाइनान्स लघुवित्त र गणपति लघुवित्तको शेयर मूल्य नेप्सेले समायोजन गरेको हो ।
नेप्सेले नेशनल माइक्रोफाइनान्सको २१ प्रतिशत बोनस शेयरको समायोजनपछि शेयरमूल्य २ हजार ७४८ रुपैयाँ तोकेको छ । कम्पनीको बिहीवार शेयर मूल्य ३ हजार ३२५ रुपैयाँमा अन्तिम कारोबार भएको थियो ।
यस्तै, गणपति लघुवित्तको १५ प्रतिशत बोनस शेयरको समायोजनपछि शेयरमूल्य १ हजार ५४२ रुपैयाँ तोकेको छ । दुवै कम्पनीले लाभांश तथा साधारण सभा प्रयोजनार्थ शुक्रवार बुकक्लोज गरेसँगै नेप्सेले शेयर मूल्य समायोजन गरेको हो ।
