प्रचण्ड माधव समुहले गर्यो यस्तो निर्देशन
फाल्गुन १२, २०७७
काठमाडौं । नेकपाको प्रचण्ड माधव समुहको विरोध कार्यक्रम आज खुसियाली सभामा रुपान्तरण भएको छ । संसद विघटनको निर्णयलाई बदर गर्दै हिजो सर्वाेच्च अदालतबाट जारी ऐतिहासिक फैसला पश्चात् आज खुसियाली सभा गरिने भएको हो ।
त्यसो त हिजै साँझ देशभर दिप प्रज्वलन गरि खुशियाली मनाइएको थियो । प्रचण्ड माधव समुहले संसद विघटनको विरोधमा चरणबद्ध आन्दोलन गर्दै आएको र सोहि अनुरुप आज हरेक जिल्लाका सदरमुकाम वा उपयुक्त ठाउँमा विरोध प्रदर्शन गर्ने निर्णय तय गरेको थियो । सोहि प्रदर्शन खुसियाली सभामा परिणत गर्न लागिएको प्रचण्ड माधव निकट स्रोतले जनाएको छ ।
यसैगरी काठमाडौं उपत्यकाको शान्तिवाटीकामा मध्यान्ह १२ बजे भेला हुन नेता कार्यकर्तालाई निर्देशन दिइएको समेत बताइएको छ । चितवनमा रहेका प्रचण्ड र नेपाल पनि सो कार्यक्रममा सहभागी हुन आजै काठमाडौं आउने बताइएको छ ।
