काठमाडौंमा प्रचण्ड नेपाल पक्षको आमसभा
पुस १४, २०७७
काठमाडौं । नेपाल कम्यूनिष्ट पार्टीले आज पुस १४ गते आमसभाको आयोजना गरेको छ । नेकपाको माधवकुमार नेपाल र पुष्पकमल दाहाल ‘प्रचण्ड पक्षले प्रतिनिधि सभा विघटनका विरुद्ध आज काठमाडौंमा आमसभाको आयोजना गरेको हो ।
यसका लागि जिल्ला जिल्लाका कार्यकर्ताहरुले घचाघच भएका गाडीहरु उपत्यका आइसकेका छन् भने केहि जिल्लाका आउने क्रम चलिरहेको छ । संसद पुनस्र्थापनाका लागि दबाब स्वरुप ५० हजारभन्दा माथीको संख्यामा नेता कार्यकर्ता सडकमा उतारिने नेतृत्वको दाबी छ । यसका लागि उपत्यका सहित नजिकका जिल्लाबाट जनताहरु भेला भएका हुन् ।
टेकुबाट जुलुस सहित अगाडि बढ्दै खुल्ला मन्चमा पुगेर आमसभा गरिने बताइएको छ । आज हुने आमसभामा शीर्ष नेताहरुले प्रधानमन्त्री ओलीको असंवैधानिक रुपमा गरेको संसद विघटनका विषयमा स्पष्ट पार्ने कार्यक्रम रहेको छ । आमसभालाई नेपाल, प्रचण्ड, झलनाथ खनाल, नारायणकाजी श्रेष्ठ सहित जनवर्गीय संगठनका नेताहरुले सम्बोधन गर्ने कार्यक्रम रहेको जनाइएको छ ।
