जापानले लगायो आफ्नो मुलुक प्रवेशमा रोक
पुस १२, २०७७
काठमाडौं । कोरोना भाइरसको नयाँ प्रकार भेटिएसँगै जापानले आफ्नो मुलक प्रवेशमा रोक लगाएको छ । सोमबार देखि लागु हुने गरी जापान सरकारले विदेशी नागरिकलाई जापान प्रवेश गर्न रोक लगाउने निर्णय गरेको हो । यो प्रतिबन्ध अब छिट्टै विश्वका अन्य मुलुकमा समेत लगाउने तयारी भैरहेको जापानको विदेश मन्त्रालयले जनाएको छ ।
जापानी नागरिकका साथै जापानमा बसोबास गर्दै आएका विदेशीले भने १४ दिन क्वारेन्टाइनमा बस्ने नियमसँगै जापान छिर्न पाउनेछन् । हिजो शनिबार जापानको टोकियोमा नयाँ प्रकारको कारोनाबाट संक्रमित दुई जना फेला परेका थिए । बेलायत भ्रमण गरी फर्केका ति व्यक्तिहरुका साथै यसअघि पनि बेलायत घुमेर फर्केका अन्य पाँच जनामा नयाँ प्रकारको कोरोना संक्रमण देखिएको हो । यो प्रतिबन्ध जनवरी अन्तिम सम्म कायम रहने बताइएको छ ।
कोरोनाको नयाँ भेरियन्ट सबैभन्दा पहिला बेलायतमा देखिएको थियो । बेलायतमा कोरोनाको नयाँ भेरियन्ट देखिएसँगै विश्वका ४० भन्दा धेरै मुलुकहरुले बेलायतमाथि प्रतिबन्ध लगाइसकेका छन् ।
