देशभरका अदालत पूर्ण रुपमा खुल्ने, हेर्नुहोस् कहिलेदेखि खुल्दैछ ।
कार्तिक १८, २०७७
काठमाण्डौं । देशभरका अदालतबाट सबै कामकारबाही सुरु हुने भएको छ । कोरोना संक्रमणको जोखिमका कारण केही महिनायता सर्वोच्च अदालतबाट निश्चित मुद्दाको मात्रै सुनुवाइ हुने गरेको मा तिहार बिदा सकिएलगत्तै कामकारबाहि शुरु हुने भएको हो ।
सर्वोच्च अदालतले मंगलबार एक सूचना जारी गरी आगामी मंसिर २ गतेदेखि मुद्दाका सबै कामकारबाही नियमित रुपमा सुरु हुने जनाएको हो । त्यसका लागि अदालतले केही मापदण्ड भने तोकेको छ । सर्वोच्चका अनुसार, मुद्दाको सुनुवाइका लागि पक्षरविपक्षीको तर्फबाट एकरएक कानुन व्यवसायी र उनीहरुका एकरएक कानुन व्यवसायी मात्रै सहभागी हुन पाउने छन् । तीभन्दा बढी भएमा बहस नोट पेस गर्ने व्यवस्था मिलाउन भनिएको छ ।
साथै सहभागीहरुले अनिवार्य रुपमा मास्क र प्लास्टिकको भाइजर समेत लगाउनु पर्ने छ । सार्वजनिक सरोकारको विषयमा हुने बहसमा नेपाल बार एसोसिएसनको भवनबाट श्रव्य दृश्य माध्यमबाट बहसको व्यवस्था गरिनुका साथै मुद्दाको बहसका क्रममा आवाज कम हुने भएमा कोडियममा माइकको व्यवस्था हुने बताइएको छ ।
