नेकपा एमाले माधव नेपाल समुहको निर्णायक बैठक भोली बस्ने

काठमाडौं । नेकपा एमाले माधव नेपाल समुहको निर्णायक बैठक भोली बस्ने तय भएको छ । बैठकमा माधव नेपाल समुहका सांसद तथा केन्द्रिय सदस्यहरु उपस्थित हुने बताइएको छ ।

नेकपा एमाले एक हुने वा नहुने भन्ने कुराको निर्णय भोलीको यो बैठकले गर्नसक्ने भएकाले यसलाई निकै नै महत्वपूर्ण बैठक मानिएको एक नेताले बताउनुभएको छ । प्रधानमन्त्री शेरबहादुर देउवाले मागेको विश्वासको मतमा यस पक्षका केहि सांसदहरुले मतदान गर्नुका साथै केहिले मतदान बहिष्कार गरेका थिए ।

यस्तै केपी ओली पक्षका ८ जना सांसदहरुले पनि देउवाको समर्थनमा मतदान गरेका थिए । भोलीको बैठकमा नीजहरुलाई समेत बोलाइएको छ । यस बिचमा पनि देउवाको समर्थन गर्दै मतदान गर्ने २२ जना सांसदहरुसँगको छलफल कायम छ ।

यता नेकपा एमाले ओली पक्षिय केन्द्रिय समितिको बैठक जारी छ । सो बैठकले भोलीको माधन नेपाल पक्षको बैठकले गर्ने निर्णयलाई कुर्ने भएको छ ।